Dagur umburðalyndis
Í tilefni daga umburðalyndis erum við á Hádegishöfða ýmislegt að
gera með Blæ vináttubangsa í fararbroddi. Við ætlum t.d.
að mæta í litríkum fötum á miðvikudaginn. Hagi og Sel ætla að hittast í Salnum.
Börnin færa hvert öðru vináttubönd sem þau hafa búið til,
hlusta á vináttulög, dansa og hafa gaman.
Stekkur ætlar að hlusta á vináttulög inn á Stekk dansa og leika að blöðrum.
Einnig verður lögð áhersla á í allri umræðu og leikjum að
við erum ólík en allir jafn mikilvægir og með sína styrkleika á ólíku sviðum.
Bréf frá Barnaheill:
Dagana 6. – 8. nóvember fögnum við fjölbreytileikanum og höldum daga Umburðarlyndis. 8. nóvember er Dagur gegn einelti en þá ætlum við að mæta í litrík í skólann
Það eru Barnaheill – Save the children sem standa að þessum dögum í gegnum Vináttu sem er forvarnarverkefni gegn einelti. En eitt af gildum Vináttu er einmitt Umburðarlyndi
Hinir fullorðnu í umhverfi barnsins móta þeirra viðhorf, framkomu og samskipti. Verum góðar fyrirmyndir fögnum fjölbreytileikanum í samfélagi okkar og sýnum Umburðarlyndi.
Skilgreining Vináttu á Umburðarlyndi :
Að viðurkenna og skilja mikilvægi og gildi fjölbreytileikans og að koma fram við alla aðra af virðingu.
Umburðarlyndi snýst um hæfileikann eða viljann til að viðurkenna það sem er frábrugðið því sem maður sjálfur telur rétt. Það snýst um skilning og viðurkenningu á því að skoðanir og lífsmáti annarra er jafn mikils virði og okkar – jafnvel þótt maður sé ekki alveg sammála viðkomandi eða eigi bágt með að skilja hann eða setja sig í spor hans.